Byambasuren Batbaatar

Хагацал Үзэн ядахыг хүсэвч Үнэндээ чамд дурлажээ Уулзахгүй байхыг хүсэвч Өдөржин чамайг хүлээнэ Үнэхээр мартая гэхэд Үргэлж чамайг бодоод байна Солиод үзье гэхэд Сэтгэл минь чамайг мөрөөднө Дургүй гэж амнаас минь гаравч Дуртай гэж зүрх минь цохилно Чамайг мартаж чадна гэж бодовч Мартаж чадахгүй нь зүрх минь Ухаангүй дурлажээ чамдаа Ухаарч намайг ойлгооч Чамайг гэсэн сэтгэлийг минь Цааш бүү түлхээч Хардах хэрэггүй би чамд үнэнч Харамлах хэрэггүй би чинийнх Санах хэрэггүй би чамтай цуг Санаашрах хэрэггүй би чамд хайртай… Баруун гараа чамдаа өгч Бал бурам уруулаа бэлэглье Булбарайхан зүрхээ чамаараа аргадуулж Борхон харцанд чинь уяран сууя Алтан нарны зүг Амраг чамтайгаа дүүлж Аялах дуугаа зориулж Аяглаж жаахан эрхлье Оргилоод байсан сэтгэл дундарч Догдлоод байсан зүрх тайтгарч Дэлбээлж байсан цэцэг хөшин Нүднээ ассан галан буурлаа Харж байсан чи минь энгийн Хачин энгийн нэгэн болоод Харийн хүн шиг хөндийрсөөр байгааг Харсаар би холдож байна Чамайг хүссэн сэтгэл минь Цоожтой ертөнцдөө эргээд орлоо Чулуун төрхөндөө буцаад хувилан Цагийн салхинд элэгдсээр үлдлээ Догдлох хайр, дотно сэтгэлээ би бусдын энгэрт гээгээгүй Дэврүүн нас, дэндүү эмзэг зүрхэндээ тээсээр яваа Зуур замын эхэнд чиний харцнаас эхэлсэн хайраа Зураг амьдралын уртад бодол санаандаа эвийлсээр л яваа Олон шөнө нойроо хугаслан чамайг мөрөөдсөн Одот тэнгэрийн доор учрахгүйн гунигийг зүрхэндээ шингээсэн Зуун шөнө догдлоод ч надад ирэхгүй үнэнд ялагдаж Зураг сайхан дүрийг тань санах тоолонгоор шаналаж бас баяссан амраг минь …Нутгийн зүг сэвэлзэх салхинд үгээ дайн чамдаа явуулья Нуурын бидэрт мандалд түүнтэй болзон хайрыг минь тосоорой Жаргах нарны туяанаар эхнэрээ сэмхэн хуураад Жаахан балчир насны минь анхны хайр та ирээрэй …Харамсах хэрэггүй дээ дахин учирахгүй гэж Хайраа өгсөн гэргий тань таныг хүлээж байгаа хойно Балчир нас дэврүүн сэтгэлтэй бүсгүй намайг Баахан гунигийн үзүүрт санах гээд ч хэрэггүй биздээ …Баяртай миний балчир насны хайр мөрөөдөл минь Баглаа олон жилийн өмнөх сүүн нөмөртэй аялгуу минь Зүггүй хонгор насныхаа дурсамжын босгонд залуу настайгаа бөхлөөд Зүс сайхан гэргийд тань таныгаа орхиод явья баяртай оюутан байхдаа эхнэртэй болсон анхны хайрдаа зориулан бичжийсийн зөндөө олон бадаг юмаа түүвэрлээд л биччихлээ дээрх шулгүүд бүгд л түнд зориулсан шүлгүүд дээ…. одоо бодход догдлоод л сайхан шүү харин шаналахаа больчихжээ